قصيدة أم لابنها العاقّ

[أم محمود]

بسم الله الرحمن الرحيم

السلام عليكم ورحمة الله وبركاته
أضع بين أيديكم أخواتي وإخواني في هذه المجلة المباركة
هذه القصيدة لأم قد عاقها ابنها وألقى بها في مراكز الخدمات المجتمعية والله المستعان
فكم هي مبكية .. فكم هي مؤثرة لحال تلك الأم .. لعلنا نتعظ والله المستعان.


وين انت يا حمدان امـك تناديـك **** وراك ما تسمـع شكايـا وندايـا

يا مسندي قلبي على الدوم يطريـك*** ما غبت عن عيني وطيفك سمايـا

هذي ثلاث سنين والعيـن تبكيـك**** ما شفت زولك زاير يـا ضنايـا

تذكر حياتي يوم اشيلك واداريـك**** والاعبك دايـم وتمشـي ورايـا

ترقد على صوتي وحضني يدفيـك**** ما غيرك احدٍ ساكن فـي حشايـا

واليا مرضت اسهر بقربك واداريك ***ما ذوق طعم النوم صبح ومسايـا

ياما عطيتك من حنانـي وبعطيـك**** تكبر وتكبـر بالأمـل يـا منايـا

لكن خساره بعتني اليـوم وشفيـك ****واخلصت للزوجه وانا لي شقايـا

انا ادري انها قاسيـه مـا تخليـك**** قالت عجوزك مـا ابيهـا معايـا

خليتني وسط المصحه وانا ارجيك*** هذا جزا المعروف وهذا جزايـا

يـا ليتنـي خدامـة بيـن اياديـك ****من شان اشوفك كل يوم برضايـا

مشكور يا ولدي وتشكر مساعيـك*** وادعـي لـك الله دايـم بالهدايـا

حمدان يا حمـدان امـك توصيـك*** اخاف ما تلحق تشوف الوصايـا

اوصيت دكتور المصحه بيعطيـك*** رسالتي واحروفهـا مـن بكايـا

وان مت لا تبخل علـي بدعاويـك*** واطلب لي الغفران وهذا رجايـا

وامطر تراب القبر بدموع عينيـك*** ما عـاد ينفعـك النـدم والنعايـا

[أم الحميراء السلفية]

أطال الله بأعمارهم في الخير ورحمهم الله وغفر لهم
ورزقنا برهم
وجزيتِ خيرًا على النقل

[أم البراء]

موضـــوع قيــم و رائـــع

http://islamroses.com/zeenah_images/1137114121_3.gif

[أم محمود]

جزاكما الله خيرا على مروركما الطيب ( اختي ام الحميراء واختي ام البراء )